Manchester City waxay 2-1 kaga adkaatay Bournemouth kulan ka tirsan wareega siddeed dhamaadka FA Cup, taasoo u suurtagelisay inay gaaraan semi-finalka tartanka.
Bournemouth ayaa hogaanka qabatay qeybtii hore ee ciyaarta kadib markii Evanilson uu dhaliyay gool ka dib qaladaad ay sameeyeen difaacyada City. Erling Haaland ayaa fursad u helay inuu barbareeyo ciyaarta, balse Kepa Arrizabalaga ayaa ka badbaadiyay rigoore uu tuuray, waxaana intaa dheer in Haaland uu dhaawac canqowga ah soo gaaray, taasoo keentay in la bedelo.
Tababaraha City, Pep Guardiola, ayaa sameeyay isbedel muhiim ah isagoo soo geliyay Nico O'Reilly qeybtii labaad ee ciyaarta. O'Reilly ayaa door weyn ka qaatay guusha kooxda, isagoo caawiyay goolka barbaraha ee uu dhaliyay Haaland ka hor inta uusan dhaawacmin, iyo goolka guusha ee uu dhaliyay bedelka Omar Marmoush, kaasoo shabaqa soo taabtay daqiiqado yar kadib markii uu garoonka soo galay.
Guushaan ayaa ka dhigan in Manchester City ay semi-finalka FA Cup la ciyaari doonto Nottingham Forest.
0 Comments