Xulka qaranka Ingiriiska ayaa guul 3-0 ah ka gaaray xulka Latvia ciyaar ka tirsaneyd isreeb-reebka Koobka Adduunka 2026, taasoo ka dhacday garoonka Wembley. Goolasha waxaa u kala dhaliyay Reece James daqiiqadii 38-aad, Harry Kane daqiiqadii 68-aad, iyo Eberechi Eze daqiiqadii 76-aad.
Reece James, oo ku soo laabtay safka hore ee xulka tan iyo bishii Sebtembar 2022, ayaa dhaliyay gool qurux badan oo laad xor ah, taasoo ahayd goolkiisii ugu horreeyay ee caalami ah. Harry Kane ayaa sii dheereystay rikoodhkiisa goolasha xulka, isagoo gaarsiiyay 71 gool, halka Eberechi Eze uu dhaliyay goolkiisii ugu horreeyay ee caalami ah.
Tababaraha cusub ee Ingiriiska, Thomas Tuchel, ayaa ku bilowday si guul leh, isagoo badiyay labada kulan ee ugu horreeyay, lana gaaray shan gool iyada oo aan wax gool ah laga dhalin. Tuchel ayaa sameeyay go'aan taariikhi ah, isagoo markii ugu horreysay tan iyo 1992 safka hore ee xulka ka reebay ciyaartoyda ka tirsan kooxaha Manchester United, Manchester City, iyo Liverpool.
0 Comments